Azərbaycan, Bakı, 10 aprel / Trend S.Babayeva/ Aprelin 1- nə olan məlumata görə, Azərbaycanda yaz əkini 104,2 min hektar sahədə həyata keçirilib ki, bu da 2007-ci ilin analoji dövrü ilə müqayisədə 6,03 min hektar çoxdur. Bu barədə ölkənin Kənd Təsərrüfatı Nazirliyinin cümə axşamı yayılan məlumatında bildirilir.
Dənli bitkilərin əkin sahəsi 8,6 min ha (+171 ha), qarğıdalı 1,5 min ha (+170 ha), kartof 35,3 min ha (+1,5 min ha), tərəvəz 20,1 min ha (+204 ha), bağça bitkiləri 2,6 min ha (+243 ha), yonca 30,5 min ha (+779), şəkər çuğunduru 1,9 min ha (+1,4 min ha) təşkil edib.
Nazirlikdə hesab edirlər ki, hazırda məhsulun həcmini proqnozlaşdırmaq tezdir, belə ki, əkin işləri hələ ki, davam etdirilir və hava şəraitindən asılı olaraq dəyişə bilər.