Azərbaycan, Bakı,12 aprel / Trend , müxbir E.İsmayılov/ Bakı metropoliteni dartıcı sistemlərin təkmilləşdirilməsilə əlaqədar elektrik avadanlığı və materialların alınması üçün tender elan edib, metropolitenin məlumatında bildirilir.
Tenderdə iştirak etmək istəyən namizədlər 2008-ci il mayın 23-dən gec olmayaraq iştirak barədə müraciətləri və digər sənədləri təqdim etməlidirlər. Tender təklifləri və bank zəmanətləri 2008-ci il mayın 26-na kimi qəbul olunacaq. Tenderin nəticələri 2008-ci il mayın 27-i saat 15.00-da keçiriləcək.