Azərbaycan, Bakı, 12 aprel / Trend / Nizamnamə kapitalının həcminə görə Azərbaycanın iri sığorta şirkəti olan "Xalq Sigorta"nın aktivləri 2007-ci ilin yekunları üzrə 19,7 mln. manat təşkil edib. Bu barədə şirkətin şənbə günü yayılan məlumatında bildirilir. Şirkətin nizamnamə kapitalı 10,68 mln. manat təşkil edir.
"Xalq Sigorta"nın 2007-ci ilin yekunları üzrə sığorta haqları 13,19 mln. manat, sığorta ödəmələri isə 1,25 mln. manat təşkil edib.
Şirkətin banklarda depozit hesabları 12,3 mln. manat təşkil edib. Ötən il sığorta ehtiyatları 1,5 mln. manat, zərər ehtiyatları isə 750 min manat təşkil edib.
"Xalq Sigorta" şirkəti 2005-ci ildən sığota bazarında fəaliyyət göstərir. Şirkət 20 sığorta növü üzrə xidmət göstərir.