Azərbaycan, Bakı, 14 aprel / Trend / "Unileasing" lizinq şirkəti tikinti texnikasının reallaşdırılması üzrə "New Holland" layihəsinin həyata keçirilməsi ilə bağlı ilkin nəticələri elan edib. Bu barədə şirkətin bazar ertəsi yayılmış məlumatında bildirilir.
2007-ci il avqustun sonunda "Grand Motors" və "Unileasing" şirkətləri "New Holland tikinti texnikasının lizinqi" birgə layihəsini həyata keçirməyə başlayıb.
Layihənin şərtlərinə uyğun olaraq, ən müasir ekskavatorlar, buldozer və yükvuran maşınları illik 16%-lik dərəcə ilə, 48 ay müddətinə lizinq vasitəsilə əldə etmək olar.
Layihənin həyata keçirilməsi zamanı 25-dən artıq tikinti texnikası realizə edilib. "Unileasing" şirkətinin sərmayə qoyuluşları isə 1 milyon dollar məbləğini aşıb.
Layihənin nəticələrinə görə, orta hesabla hər ikinci "New Holland" tikinti texnikası yerli bazarda "Unileasing" şirkətinin sərfəli maliyyə vasitəsinin köməyilə realizə edilir.