Azərbaycan, Bakı, 21 aprel/ Trend / 2007-ci ilin yekunlarına görə, Azərbaycanın sığorta şirkəti Gunay Anadolu Sigorta-nın sığorta haqqları 857,4 min manat təşkil edib. Ödəmələr 44,2 min manata bərabər olub. Bu barədə şirkətin bazar ertəsi yayılan məlumatında deyilir.
Şirkətin 207-ci ildə təkrarsığorta əməliyyatları üzrə sığorta haqqı olmayıb.
Şirkətin məlumatında bildirilir ki, 2007-ci ildə şirkətin aktivləri 1,9 mln. manat təşkil edib. İlin yekunları üzrə şirkətin balans mənfəəti olmayıb, balans itkiləri 152 min manat təşkil edib.
2007-ci ilin yekunları üzrə şirkətin gəlirləri 1,4 mln. manat, xərcləri isə 1,6 mln. manat olub.
1992-ci ildən fəaliyyət göstərən Gunay Anadolu Sigorta-nın təsisçiləri Gunay səhmdar bankı və Türkiyənin "Anadolu Anonim" sığorta şirkətidir. Şirkətin Nizamnamə kapitalı 806 min manatdır.