Azərbaycan, Bakı, 23 aprel / " / "Agrolizing" ASC gübrələrin alınması üçün tender elan edib. Təşkilatın verdiyi məlumata görə, ASC 10 min ton həcmində dənəvər superfosfat (P2O5) və 16:16:16 - 2 min ton nitroammofosk alacaq.
Tenderdə iştirakın qiyməti 1 min manat təşkil edir. Maraqlanan şirkətlər mayın 27-nə kimi qeydiyyatdan keçməlidir. Tender təklifləri isə iyunun 5-dək qəbul olunacaq. Prosedur iyunun 6-da ASC-də baş tutacaq.
Tenderdə qalib gələn şirkət müqavilə imzalandıqdan sonra 90 gün ərzində alınmış gübrələri təqdim etməlidir.
Bir az əvvəl ASC azot gübrələrinin (Ammoniy Nitrat- NH4NO3) alınması üçün şirkəti müəyyənləşdirib. Tenderin qalibi Britaniyanın "Agroinvest S.L" şirkəti olub. "Agrolizing" ondan 60 min ton gübrə alacaq( 50 kiloqramlıq kisələrdə).
"Agrolizing" 2004-cü il oktyabrın 23-də Azərbaycan prezidenti İlham Əliyevin sərəncamı ilə yaradılıb. Müəssisənin fəaliyyəti aqrar bölmənin yaxşılaşdırılması və ölkədə yerli torpaq sahibkarlarına müxtəlif kənd təsərrüfatı texnikasının lizinq yolu ilə verilməsilə sahibkarlığın dəstəklənməsinə istiqamətlənib.
"Agrolizing" 2005-ci ildə fəaliyyətinin ilkin dövründə fermerlərə 5 min müxtəlif kənd təsərrüfatı texnikası, 110 min ton azot gübrəsi, 26 min ton superfosfat gübrəsi satıb.
Bu müddət ərzində "Agrolizing" ASC üçün dövlət büdcəsindən 103,5 mln. manat ayrılıb.