Azərbaycan, Bakı, 30 aprel / " müxbir U.İsmayılova/ Mart ayında Bakıda qeyri-yaşayış obyektlərinin bir kvadrat metrinin qiyməti fevral ayına nisbətdə 11,1 faiz artaraq 3417 dollara çatıb. Bu barədə çərşənbə günü "Əmlak bazarı iştirakçıları" İctimai Birliyindən məlumat verilib.
Mart ayında şəhərin bütün zonaları üzrə qeyri-yaşayış obyektlərinin satış qiymətləri fevrala nisbətdə 3,9 faiz, icarə qiymətləri isə 4,1 faiz artıb.
Fevral ayına nisbətdə qeyri-yaşayış obyektlərinin alqı-satqısına dair bağlanan müqavilələrin sayı 2,1 faiz azalıb.
Cədvəldə qeyri-yaşayış obyektlərinin yerləşdiyi yerdən asılı olaraq orta qiymətlər göstərilib:
| Obyektin mövcud olduğu ərazi | Hər kvadrat metrə görə orta qiymət dollarla |
| "Olimp" mağazasının yanı | 4536 |
| H.Cavid pr | 6235 |
| Təbriz küçəsi | 3276 |
| Xalqlar Dostluğu m. | 1433 |
| Xaqani küçəsi | 7570 |
| Nəsimi bazarının yanı | 4508 |
| Azadlıq pr. | 5026 |
| Gənclik m. | 4145 |
| Memar Əcəmi m. | 3023 |
| "Landmark" biznes-mərkəzi | 6345 |
Müəlliflə əlaqə saxlamaq üçün elektron ünvan : [email protected]