Azərbaycan, Bakı, 16 dekabr/ Trend , müxbir Ü.İsmayılova/ Noyabrda Bakının daşınmaz əmlak bazarında qiymətlər 1,7 faiz azalaraq bir kvadratmetr üçün 1687 dollara düşüb. Bu barədə çərşənbə axşamı MBA Group Konsaltinq Şirkətindən məlumat veriblər.
"Bazarda qiymətlər maliyyə böhranının dünya bazarlarına təsiri ilə bağlı azalıb", - deyə şirkətdən bildiriblər.
Bazara 115 mindən 138 min dollaradək təklif olunan mənzillərin payı noyabrda bazar partfelinin 28,7 faizini təşkil edib. Noyabrda orta otaq göstəricisi 2,34 (-1,3), hər otağın orta qiyməti 49,8 min dollar, mənzillərin orta qiyməti 116,3 min dollar təşkil edib.
Bazara orta qiymətdən yuxarı təklif olunan mənzillərin payı 43,5 faiz, orta qiymətlərdən aşağı isə, 56,6 faiz təşkil edib.
Noyabrda mənzilin ekspozisiya müddəti 10,3 faiz artıb.
Bakının rayonları üzrə qiymət dəyişikliklərini göstərən ümumi cədvəl:
Rayonlar | Qiymətlər $/kv.m | Ay ərzində artım %-lə |
Əzizbəyov | 1075 | -0,6 |
Binəqədi | 1517 | 0,9 |
Qaradağ | 1274 | -1,5 |
Yasamal | 1713 | 2,1 |
Nizami | 1543 | 0,7 |
Nərimanov | 1739 | 0,2 |
Nəsimi | 1695 | -1,6 |
Sabunçu | 1347 | 1,7 |
Suraxanı | 1115 | -7,1 |
Səbail | 2342 | -0,9 |
Xətai | 1323 | 0,2 |
MBA Group ölkə iqtisadiyyatının, demək olar ki, bütün sahələrində müntəzəm olaraq monitorinqlər keçirən konsaltinq şirkətidir.
Məqalə müəllifi ilə əlaqə ünvanı - [email protected]