Azərbaycan, Bakı, 17 mart / Trend , müxbir N.İsmayılova /
"Moody's" beynəlxalq reytinq agentliyi Gürcüstanın TBC və Bank of Georgia banklarının maliyyə dayanıqlılığı reytinqini D səviyyəsində təsdiqləyib, - agentliyin məlumatında deyilib.
Yerli valyutada Bank of Georgia-nın deposit reytinqi Ba1-Ba3 səviyyəsində azalıb. Əsas təmin edilməmiş kredit reytinqi Ba2-Ba3 səviyyəsində azalıb, reytinqlər haqqında proqnozlar mənfidir; xarici valyutada uzunmüddətli depozit reytinqi mənfi proqnozla B3 səviyyəsində təsdiqlənib. Bütün qısamüddətli reytinqlər Not-Prime səviyyəsində təsdiqlənib.
Agentlik yerli valyutada TBC Bank deposit reytinqini Ba1-Ba3 səviyyəsində aşağı salıb, reytinqlər haqqında proqnozlar mənfidir; xarici valyutada uzunmüddətli depozit reytinqi mənfi proqnozla B3 səviyyəsində təsdiqlənib. Bütün qısa müddətli reytinqlər Not-Prime səviyyəsində təsdiqlənib.
Gürcüstan banklarından Azərbaycanda TBC Bank iştirak edir, onun səhmlərinin 75 faizini qeyri-bank kredit təşkilatı "Shore Overseas Azerbaijan" əldə edib.
Məqalə müəllifi ilə əlaqə ünvanı: [email protected]