Azərbaycan, Bakı, 11 aprel / Trend , müxbir Ü.İsmayılova /
"Daşınmaz əmlakın dövlət reyestri xidmətində dövlət xidmətinin Dünya Bankı ilə "Daşınmaz əmlakın qeydiyyatı" birgə layihəsi üzrə komponentlərin koordinatorlarının toplantısı keçirilib", - dövlət xidmətinin şənbə günü yaydığı məlumatda deyilir.
Strukturun başçısı Arif Qaraşovun rəhbərlik etdiyi toplantının gedişində layihə çərçivəsində aparılan işlər müzakirə olunub, Bankın 2008-ci ilin noyabrında Bakıda olan son missiyasının tövsiyələri analiz edilib.
Qaraşov toplantıda layihənin bütün komponentlərinin realizəsi üzrə təklif və tövsiyələrlə çıxış edib.
Azərbaycan hökuməti və DB 2007-ci ilin iyulunda daşınmaz əmlakın vahid kadastrı sistemini birgə tətbiq etmək haqqında saziş imzalayıb. Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkmə və torpaq kadastrı; treninqlər, siyasətin formalaşdırılması və layihənin idarə edilməsi. Layihənin dəyəri 38,57 mln. dollar təşkil edir. Bunun 30 mln. dolları DB-nin kreditinin payına düşür. Kredit ehtiyatları beş il güzəştli dövr olmaqla 20 il müddətinə ayrılıb.
Məqalə müəllifi ilə əlaqə ünvanı: [email protected]