Azərbaycan, Bakı, 17 aprel / Trend , müxbir Ü.İsmayılova /
Latviya biznesmenləri Azərbaycana birgə süd məhsulları istehsal etməyi təklif ediblər. Bu barədə cümə günü keçirilən Azərbaycan-Latviya biznes-forumunda Azərbaycan İxrac və İnvestisiyaların Təşviqi Fondunun (AZPROMO) prezidenti Rahim Hüseynov bildirib. Forum Latviyanın xarici işlər naziri Marisa Riekstinşin iştirakı ilə Bakıda keçirilir.
Görüşdə Azərbaycan tərəfindən iqtisadiyyatın müxtəlif sahələrindən 60-dan çox sahibkar, Latviya tərəfdən isə 20 şirkətin nümayəndələri iştirak edir.
"Latviya sahibkarları əsasən qida sənayesi, məntiq sahələrində maraqlıdırlar", - deyə Hüseynov bildirib.
AZPROMO prezidentinin sözlərinə görə, hazırda Azərbaycan ilə Latviya arasında iqtisadi münasibətlər aşağı səviyyədədir.
"Biz ümid edirik ki, işgüzar insanlar arasında biznes-forumların və digər biznes görüşlərin keçirilməsi nəticəsində ölkələrin iqtisadi münasibətləri əhəmiyyətli dərəcədə yaxşılaşacaq", - deyə Hüseynov bildirib.
Azərbaycan və Latviya sahibkarları arasında əvvəlki biznes-forum 2006-cı ildə keçirilib.
Məqalə müəllifi ilə əlaqə ünvanı - [email protected]