Azərbaycan, Bakı, 20 noyabr / Trend , müxbir N.İsmayılova/
Azərbaycan bankı TexnikaBank öz törəmə müəssisəsi - "Technica Leasing" lizinq şirkətinin nizamnamə kapitalını 12,5 dəfə artırıb. Bu barədə bankın İdarə Heyətinin sədri Samir Hüseynov bildirib.
"Lizinq şirkətinin nizamnamə kapitalı 200 min manatdan 2,5 milyon manata kimi artırılıb ki, bu da Technica Leasing-i ölkədə bu gün üçün daha çox kapitallaşdırılmış lizinq şirkətlərindən biri edir," - Hüseynov deyib.
Hazırda Technica Leasing-in lizinq portfeli 4,5 milyon manatı ötür. Şirkət lizinq avadanlıqlarını üç il müddətinə illik 19-20 faizlə verir. Avadanlıqların minimal qiyməti 30 min manatı ötməlidir, ilkin ödəniş isə 30-35 faiz səviyyəsindədir.
Noyabrın 20-nə olan rəsmi məzənnə 0,8027 AZN/USD təşkil edir.
Məqalə müəllifi ilə əlaqə ünvanı: [email protected]
