Gürcüstan, Tbilisi, 27 yanvar / Trend , müxbir N.Kirsxaliya/
Gürcüstan maliyyə naziri Kaxa Bainduraşvili ölkədə böhranın "ikinci dalğasını" gözləmir.
"Buna baxmayaraq, dünya iqtisadiyyatındakı iqtisadi "zədələrin" mümkünlüyü kifayət qədər çoxdur və dünyada baş verən hər bir hadisə Gürcüstan iqtisadiyyatından da yan keçmir", - nazir jurnalistlərlə söhbətində bildirib.
Bainduraşvilinin sözlərinə görə, 2010-cu il stabil ildir və bu keçid ili stabilliyə gətirib çıxarmalıdır.
Gürcüstanda bəzi sahibkarlar hesab edirlər ki, müəssisələrini bağlamalı olacaqlar. Belə ki, böhranın "ikinci dalğasının" əlamətləri artıq meydana çıxıb.