Azərbaycan, Bakı, 08 fevral / Trend , müxbir Ü.İsmayılova/
Su təchizatı və kanalizasiya sistemi üzrə xidmət göstərən "Azərsu" Səhmdar Cəmiyyəti 2010-cu ildə Bakının su təminatı və kanalizasiya sisteminin yenidənqurulması və tikintisi üzrə açıq tender elan edib. Bu barədə rəsmi mətbuat bildirir.
Tender proseduru dörd LOT üzrə keçiriləcək: 1 - sayğacların quraşdırılması, 2 - Lökbatan qəsəbəsindən dairəvi kollektoru yenidənquraraq Zığ nasos stansiyasından Babək prospektinədək magistral su kəmərinin yenidənqurulması, 4 - paytaxtda yeni kanalizasiya və su xətlərinin çəkilməsi.
Sistemin yenidənqurulması üzrə işlər ilin sonuna kimi başa çatmalıdır. Kadr və texniki potensiala malik yüksək keyfiyyət və aşağı qiymət təklif edən iştirakçılara üsünlük veriləcək.
Hər bir LOT-da iştirakın dəyəri 300 manat təşkil edəcək.
Tender proseduru aprelin 15-də keçiriləcək.
