Gürcüstan, Tbilisi, 01 mart / Trend , müxbir N.Kirsxaliya/
Potidə BDO beynəlxalq auditor şirkətinin ofisi açılıb.
Bu regional ofis yerli peşəkar kadrları cəmləşdirəcək. Bu barədə Şirkətdən Trend -a deyilib.
İlkin olaraq filial müştərilərə mühasibat xidmətləri və vergi məsləhətləri təklif edəcək. Lakin gələcəkdə isə yerli şirkətlər BDO-nun tam xidmətlərindən yararlanacaq.
BDO-nun Baş ofisinin dəstəyi və qlobal resurslarından istifadə sayəsində Poti filialı keyfiyyətli xidmət göstərəcək.
BDO şirkəti 1999-cu ildə yaradılıb, Gürcüstanın ən iri beynəlxalq auditor şirkətlərindən üçüncüsüdür və artıq on ildir ki, Gürcüstan bazarında uğurla fəaliyyət götərir.
BDO-nun qlobal şəbəkəsi dünyanın 110 ölkəsində 1138 ofis və 4600 peşəkarı birləşdirir.