Azərbaycan, Bakı, 5 mart / Trend , müxbir N.İsmayılova/
Azərbaycan Mərkəzi Bankının (AMB) sərəncamında olan valyuta ehtiyatlarının azalması onların yenidən qiymətləndirilməsi ilə əlaqədardır. Bunu AMB-nin İdarə Heyəti sədrinin birinci müavini Alim Quliyev cümə günü deyib.
"Bu, avro və dolların məzənnəsinin azalması ilə bağlıdır, çünki AMB-nin valyuta ehtiyatları iki valyutada - avro və dollarda saxlanılır", - Quliyev deyib.
Onun sözlərinə görə, ilin əvvəlində həmin valyutaların mübadilə məzənnəsində dəyişikliklər baş verdiyindən yenidən qiymətləndirmə nəticəsində onların manata konvertasiyası zamanı valyuta ehtiyatlarının həcminin azalması qeydə alınıb.
2010-cu il fevralın sonlarına olan məlumata görə, AMB-nin valyuta ehtiyatları 5074,5 milyon dollar təşkil edib.