Azərbaycan, Bakı, 19 mart / Trend , müxbir N.İsmayılova/
2010-cu ilin yanvar-fevral aylarında Azərbaycanda qiymətli kağızlar bazarı iştirakçılarından pozuntulara görə tutulan cərimələrin ümumi məbləği 2009-cu ilin müvafiq dövrü ilə müqayisədə 39,1 faiz, iştirakçıların sayı isə 44 faiz azalıb. Bu barədə Qiymətli Kağızlar üzrə Dövlət Komitəsinin (QKDK) məlumatında bildirilir.
Hesabat dövründə Dövlət Komitəsinə 35 ərizə və altı müraciət daxil olub. Həmçinin, QKDK-ya 237 səhmdar cəmiyyətində investorların hüquqlarının pozulması barədə şikayətlər daxil olub. 2008-ci ilin analoji dövründə bu göstərici 334 təşkil edib.
Pozucular barəsində 1950 manat məbləğində 9 sanksiya tətbiq edilib. 2009-cu ilin iki ayı ərzində 3200 manat məbləğində 16 cərimə tətbiq edilib. QKDK səhmdar cəmiyyətlərinə 49 tələb irəli sürüb. Ötən ilin yanvar-fevral aylarında bu göstərici 19 olub.
Martın 19-na olan rəsmi məzənnə 0,8033 AZN/USD təşkil edir.