Azərbaycan, Bakı, 1 may /Trend, müxbir E.İsmayılov/
"Azərbaycan Hava Yolları" QSC (AZAL) mayın 3-dən Almaniyanın "Lufthansa" aviaşirkəti tərəfindən həyata keçirilən Bakı-Frankfurt-Bakı reysi üçün biletlərin satışına başlayır. Bu barədə şənbə günü AZAL-dan məlumat verilib.
"Mayın 3-dən AZAL "Lufthansa" aviaşirkəti tərəfindən həyata keçirilən Bakı-Frankfurt reysi üçün yerlərin müəyyən hissəsinə bilet satışına başlayacaq", - AZAL-dan bildirilib.
Qeyd olunub ki, bu reysə aviabiletlərin qiyməti AZAL tərəfindən müəyyən edilir.
Bakı-Frankfurt-Bakı aviareysi "Lufthansa" şirkəti tərəfindən bazar ertəsi, çərşənbə və cümə günləri Bakı vaxtı ilə saat 07:15-da həyata keçirilir. AZAL-ın bu reysə biletlərinin qiyməti hər iki tərəf üçün 703 manat təşkil edir, "Lufthansa"nın özünün müəyyən etdiyi qiymət isə 956 manatdır.