Azərbaycan, Bakı, 11 may /Trend, müxbir N.İsmayılova/
Azərbaycan iqtisadiyyatının 2010-cu ilə proqnozlaşdırılan artımı əsasən yanacaq qiymətlərinin artması və xarici tələbatla əlaqədar yeddi faiz təşkil edəcək. Bununla da Azərbaycan iqtisadiyyatı daha sürətlə inkişaf edənlərdən biri olacaq. Bu barədə BMT-nin Asiya və Sakit okean üzrə İqtisadi və Sosial Komissiyasının (UNESCAP) hesabatında deyilir.
Ancaq qeyri-neft sektorunun artım səviyyəsinin neft sektorunun artım səviyyəsindən aşağı olacağı gözlənilir. Məhsula və energetikaya olan qiymətlər yüksələcək və sərmayə axınının və daxili tələbatın artması nəticəsində 2010-cu ildə illik inflyasiya altı faizə çata bilər.
Qlobal inkişaf prosesinin bərpası fonunda 2010-cu ildə Azərbaycana xarici sərmayə axınının artması gözlənilir.
Həmçinin, neft ixracının yüksəlməsi fonunda Azərbaycanın cari əməliyyatları hesabının müsbət saldosunun artması gözlənilir.
Hesabatda deyildiyi kimi, 2010-cu ildə Çinin iqtisadi artımı 9,5%, Hindistanın iqtisadi artımı 8,3%, bölgənin ümumi artımı isə 7% səviyyəsində proqnozlaşdırılır.