Аzərbaycan, Bakı, 10 iyul /Trend, müxbir N.İsmayılova/
Avqustun 17-də Azərbaycan bankı "Bank Respublika"nın baş ofisində səhmdarların növbədənkənar iclası keçiriləcək.
İclas zamanı müşahidə şurası üzvlərinin təyin olunması və gündəlikdə duran digər məsələlərə baxılması nəzərdə tutulub.
"Bank Respublika" 1992-ci ildə fəaliyyətə başlayıb. Bankın səhmdarları sırasına Almaniyanın iki böyük maliyyə təşkilatı - DEG, KfW, SIDT bank qruplarının üzvü, "Sparkassen-Finanzgruppe"ın üzvü daxildir. Bankın səhmdarlar strukturu aşağıdakı kimidir: bankın səhmlərinin 75 faizi Quliyevlər ailəsinə, 16,6 faizi DEG və 8,3 faizi SİDT-ə aiddir.
"Bank Respublika"nın Bakıda və ölkənin digər regionlarında 34 filialı və şöbələri fəaliyyət göstərir.