Azərbaycan, Bakı, 30 iyul /Trend, müxbir N.İsmayılov/
İyun ayında Azərbaycanda "bir pəncərə" sistemi vasitəsilə Rusiyanın "Elektronstandart-pribor Azərbaycan" şirkəti qeydiyyatdan keçib. Bu barədə ölkənin Vergilər Nazirliyinin rəsmi saytında "bir pəncərə" bölməsində deyilir.
Onun təsisçisi Rusiyanın "Elektronstandart-pribor" şirkətidir.
Təşkilat kommersiya fəaliyyəti üzrə dövlət qeydiyyatından 25 iyun 2010-cu il tarixdə keçib. Şirkətin nümayəndəsi Rusiya vətəndaşı Valeri Selindir. Şirkət 10 min dollar nizamnamə kapitalı ilə qeydə alınıb.
"Elektronstandart-pribor" şirkəti neft və qaz sənayesinin obyektləri üçün yanğın və qaz təhlükəsizliyi sistemlərinin layihəçisi, istehsalçısı və tədarükçüsüdür.
Şirkət təsis olunduğu gündən indiyədək "Transneft" ASC, "Qazprom" ASC, "Lukoyl" ASC, "Rosneft" ASC, "TNK-BP", "Surqutneftqaz" şirkətləri kimi şirkətlərlə əməkdaşlıq edir və müxtəlif obyektlərin layihələşdirilməsi, tikintisi, abadlaşdırılması və yenidən qurulmasında iştirak edir.