Azərbaycan, Bakı, 2 oktyabr /Trend/
Azərbaycanın Qiymətli Kağızlar üzrə Dövlət Komitəsi (QKDK) "Muğan Bank"ın 30 milyon manat məbləğində faizli adsız sənədli istiqrazlarının emissiya prospektini qeydiyyata alıb. Bu barədə QKDK-nın məlumatında deyilir.
Komitə hər birinin nominal dəyəri 50 manat olan 600 min istiqrazdan ibarət emissiya prospektini qeydiyyata alıb. İstiqrazların yerləşdirilməsi açıq yazışma üsulu ilə keçiriləcək.
"Muğan Bank" 1992-ci ildən etibarən fəaliyyət göstərir. Hazırda ölkədə bankın 26 filialı və dörd şöbəsi var. Bankın nizamnamə kapitalı 15 milyon manat təşkil edir. "Muğan Bank" 100 faizli Azərbaycan bankıdır.
Oktyabrın 2-nə olan rəsmi məzənnə 0,8026 AZN/USD təşkil edir.