Azərbaycan, Bakı, 26 aprel / Trend /
VTB bankı (Azərbaycan) və AzMeCo şirkəti 30 milyon dollar məbləğində kredit sazişi imzalayıblar. Trend-in məlumatına görə, bu barədə AzMeCo şirkətinin çərşənbə axşamı yaydığı məlumatda deyilir.
Bu saziş Bakıda metanol zavodunun tikintisini nəzərdə tutub. Bu zavod Qafqazda və Orta Asiyada metanol istehsal edən yeganə zavod olacaq. Müəssisənin illik istehsal gücü CО2-nin utilizasiyasının mümkünlüyü ilə ildə 720 000 ton metanoldur. Zavoddakı qurğular atmosferə atılan ildə 250 min tona yaxın həcmdə karbon qazını tutmağa imkan verəcək. Bu ekoloji aspekt AzMeCo şirkətinə karbon kreditlərinin alınması hüququ verəcək.
"Biz qabaqcıl və sürətlə inkişaf edən bank olan VTB bankı ilə əməkdaşlığı yüksək qiymətləndiririk. AzMeCo şirkətinin metanol zavodunun tikintisi layihəsi unikal layihədir", - AzMeCo şirkətinin rəhbəri Nizami Piriyev bildirib.
Onun sözlərinə görə, bu layihənin unikallığı ondan ibarətdir ki, metanol kimya üzrə Nobel mükafatı laureatı Corc Olanın dediyi kimi, "21-ci əsrin enerjisi"dir. Piriyev deyib ki, energetikada metanol tətbiq etməklə atmosferə atılan zərərli tullantıları xeyli azaltmaq və bununla da ekologiyanı xilas etmək olar.
VTB-nin prezidenti və idarəetmə şurasının sədri Oleq Krosnojan da bu əməkdaşlığı yüksək qiymətləndirib və ölkə üçün belə layihələrin vacibliyini qeyd edib.
Metanol zavodunun tikintisi Azərbaycan iqtisadiyyatının gələcək inkişafına töhfə verəcək. VTB bankı (Azərbaycan) tərəfindən ayrılan iri məbləğdə kredit bank tərəfindən maliyyələşdirilən böyük sövdələşmələrin keçiriləcəyindən və gələcəkdə ciddi sifarişlərin olacağından xəbər verir.
Bu sazişin maliyyə məsləhətçisi Azərbaycanın ACG konsaltinq şirkətidir.
VTB Qərbi Avropa, Asiya və Afrikanın 21 ölkəsində təmsil olunan dinamik inkişaf edən beynəlxalq maliyyə qrupudur. VTB bankı ASC VTB qrupunun özəyidir və Rusiyanın bank sektorunun liderlərindən biridir. VTB bankın əsas səhmdarı 75,5 faizlik payla Rusiya hökumətidir. Bankın səhmləri MBVB-da, RTM-də və London Fond Birjasında dövr edir. VTB (Azərbaycan) VTB bankı ASC-nin törəmə şirkətidir və beynəlxalq bank təcrübəsində qəbul edilən xidmətlərin geniş spektrini təqdim edir. (Azərbaycan) ASC-yə bank lisenziyası Azərbaycan Mərkəzi Bankı tərəfindən 11 mart 2009-cu il tarixdə verilib, noyabrdan isə bank rəsmi olaraq fəaliyyətə başlayıb.
ASC-nin səhmdar kapitalı "Bank VTB" ASC (səhmlərin 51 faizi), "AtaHolding" ASC (səhmlərin 48,99 faizi) və fiziki şəxs (səhmlərin 0,01 faizi) arasında bölüşdürülüb.
Azərbaycanın AzMeCo şirkəti 2007-ci ildə qeyri-neft sektoruna sərmayələrin qoyulması məsqədilə yaradılıb və dinamik inkişaf edən şirkətdir. Şirkət tamamilə mülkiyyətin özəl formasına malikdir, ölkədə iri layihələrin uğurla işlənməsi, həyata keçirilməsi və maliyyələşdirilməsində nümunə nümayiş etdirir. AzMeCo, Xəzər hövzəsində özünün beynəlxalq karbohidrogen layihələri portfelinə əlavə olaraq, Azərbaycanın qeyri-neft sektoruna investisiyanın əsas planını yaradıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
