...

Əmək və əhalinin sosial müdafiəsi nazirinin müavini Gəncədə vətəndaşları qəbul edib

Biznes və iqtisadiyyat xəbərləri Materials 7 Dekabr 2011 17:12 (UTC +04:00)
Əmək və əhalinin sosial müdafiəsi nazirinin müavini Gəncədə vətəndaşları qəbul edib.
Əmək və əhalinin sosial müdafiəsi nazirinin müavini Gəncədə vətəndaşları qəbul edib

Azərbaycan, Bakı, 7 dekabr /Trend/

Əmək və əhalinin sosial müdafiəsi nazirinin müavini İlqar Rəhimov Gəncə şəhərində olaraq, nazirliyin həmin bölgə üzrə ümumilikdə 10 rayonundakı strukturlarının fəaliyyəti ilə bağlı Azərbaycan Prezidentinə, Nazirlər Kabinetinə, Milli Məclisə, Ombudsman Aparatına, müxtəlif instansiyalara, həmçinin Əmək və Əhalinin Sosial Müdafiəsi Nazirliyinə şikayət ərizələri ünvanlamış vətəndaşları qəbul edib.

Nazirliyin İctimaiyyətlə əlaqələr şöbəsindən çərşənbə günü Trend-ə verilən məlumata görə, həmin vətəndaşların müraciətlərinin dinlənilməsi və nazirliyin uyğun şöbələrinin mütəxəssisləri tərəfindən şikayət ərizələrinin obyektiv şəkildə araşdırılması zamanı ayrı-ayrı vətəndaşların ünvanlı dövlət sosial yardımlarının, əlillik qruplarının təyinatı, eləcə də sosial müdafiə işinin digər sahələri ilə bağlı qanunvericilik barədə hələ də məlumatsız olmaları, bu səbəbdən yazdıqları şikayət ərizələrinin əsassız olduğu müəyyən edilib və qanunvericilikdən irəli gələn müvafiq qaydalar barədə həmin vətəndaşlara ətraflı izahatlar verilib.

Bununla yanaşı, bir sıra şikayət ərizələrində haqlı narazılıqların ifadə edildiyi və bu narazılıqların əsas səbəbinin yerli strukturların ayrı-ayrı əməkdaşları tərəfindən vətəndaşların müraciətlərinə baxılmasında səhlənkarlıq və ədalətsizlik hallarına yol verilməsi ilə bağlı olduğu müəyyən edilib. Vətəndaşlarda haqlı narazılıq yaradan hallarla bağlı aidiyyəti yerli strukturların əməkdaşlarının fəaliyyətinin araşdırılması, vəzifə borcunu məsuliyyətsiz şəkildə yerinə yetirən əməkdaşlarla bağlı qanunauyğun tədbirlərin görülməsi barədə tapşırıq verilib. Aztəminatı ailələrin bir qisminin potensial imkanları nəzərə alınmaqla onların gələcəkdə birdəfəlik ünvanlı yardım - Özünədəstək proqramına cəlb edilmələri qərara alınıb.

Cari ilin ötən dövründə əmək və əhalinin sosial müdafiəsi naziri Fizuli Ələkbərov Oğuz, Şirvan, Göyçay, Şəki, Ağcabədi, Yevlax, Masallı, Şabran və digər bölgələrdə olaraq, həmin bölgələr üzrə ümumilikdə 70-dən çox rayon üzrə, eyni zamanda, nazirlikdə Bakı, Sumqayıt şəhərləri və Abşeron rayonu üzrə vətəndaşları qəbul edib. Vətəndaşların yaşadıqları bölgədə onların şəxsi iştirakı ilə qəbulu və müraciətlərinin araşdırılması işləri digər rayonlarda da davam etdiriləcək.

Xəbər lenti

Xəbər lenti