Azərbaycan, Bakı, 23 mart /Trend/
Şri-Lankada fəaliyyət göstərən şirkətlər Azərbaycanın iş adamları ilə əməkdaşlıqda maraqlıdır. Trend-in məlumatına görə, bu barədə Azərbaycan İqtisadi İnkişaf Nazirliyinin yaydığı məlumatda deyilir.
Hazırda Şri-Lankada istehsal olunan bir sıra mal və məhsulların Azərbaycana ixrac edilməsi, həmçinin tələbatın olduğu malların idxalı təklif olunur.
İxrac üçün təklif olunan mal və məhsullar bunlardır: meyvələr, ədviyyatlar, parçalar, lak və boyalar. İdxal üçün təklif olunan mal və məhsullar isə dərman preparatları, tibbi avadanlıqlardır.
Eyni zamanda, müxtəlif parça növlərinin istehsalı üzrə birgə müəssisənin yaradılması məsələsinin müzakirə edilməsi təklif olunur.