Azərbaycan, Bakı, 27 mart /Trend müxbir E.İsmayılov/
"Baku Taxi Company" ay ərzində daha 500 ədəd "London Taxi TX4" markalı avtomobillərini istismara verəcək. Bu barədə çərşənbə axşamı Trend-ə şirkətin rəhbəri İlqar Qasımov bildirib.
Onun sözlərinə görə, paytaxtda artıq 192 ədəd "London Taxi TX4" markalı avtomobil var, daha 190 avtomobil Türkiyə-Gürcüstan sərhədində, avtomobillərin qalan hissəsi isə Türkiyə ərazisindədir.
"Yeni avtomobillər zəruri prosedurlardan keçdikdən və lazımi avadanlığın quraşdırılmasından sonra Bakı küçələrində işləməyə başlayacaqlar" , - Qasımov deyib.
Hazırda Bakıda işləyən "London Taxi TX4" markalı avtomobillərin sayı 500 ədəddir.