Azərbaycan, Bakı, 5 iyun /Trend, müxbir A.Axundov/
İqtisadi İnkişaf Nazirliyi 2012-ci ildə Azərbaycan İnvestisiya Şirkətinin (AİŞ) nizamnamə kapitalını artırmağı planlaşdırmır. Trend-in məlumatına görə, bu barədə çərşənbə axşamı jurnalistlərə iqtisadi inkişaf naziri Şahin Mustafayev bildirib.
"Kapitalın indiki səviyyəsi investisiya şirkətinə normal fəaliyyət göstərməyə imkan verir", - nazir deyib.
Bununla belə, o, gələn il AİŞ-in kapitalının artırılması ehtimalını istisna etməyib.
Şirkətin yaradılması zamanı 90 milyon manat həcmində formalaşdırılan AİŞ-in nizamnamə kapitalı 2010-cu ilin əvvəlində 160 milyon manatadək artırılıb.