Azərbaycan, Bakı, 27 iyun /Trend, müxbir E.İsmayılov/
Azərbaycanda yol layihələri (Road Network Development Program) üçün multitranş paketin (Multitranche Financing Facility - MFF) üçüncü tranşı çərçivəsində Asiya İnkişaf Bankı (AİB) ilə kredit sazişinin imzalanması iyulda gözlənilir. Bu barədə çərşənbə günü Trend-ə Nəqliyyat Nazirliyindəki mənbə bildirib.
Üçüncü tranş ötən il 200 milyon dollar həcmində təsdiq edilib. Bu vəsaitlər Masallı-Astara dördzolaqlı sürət magistralının tikintisinin davam etdirilməsinə yönəldiləcək.
"Tərəflər arasında bütün məsələlər razılaşdırılıb. Buna görə də saziş artıq gələn ay imzalana bilər", - mənbə qeyd edib.