Azərbaycan, Bakı, 28 iyun /Trend, müxbir M.Əliyev/
Bakıda keçirilən "Rusiya-Azərbaycan Dialoqu 2012" üçüncü Rusiya-Azərbaycan regionlararası forumu çərçivəsində iki saziş imzalanıb.
Trend-in məlumatına görə, Kransodar vilayətində "Mətanət-A" zavodunun tikintisi üzrə investisiya sazişinin reallaşdırılması çərçivəsində "Aqasa" şirkətinə rəsmi diler səlahiyyətinin verilməsinə dair saziş imzalanıb. Sənədi "Mətanət-A" şirkətinin (tikinti materiallarının istehsalçısı) prezidenti Elxan Bəşirov və "Aqasa" şirkətinin direktoru Georgi Aqafonov imzalayıblar.
Həmçinin, Sankt-Peterburq Dövlət İqtisad və Maliyyə Universiteti ilə Azərbaycan Dövlət İqtisad Universiteti arasında əməkdaşlıq haqqında saziş imzalanıb. Sazişi Rusiya ali məktəbinin rektoru İqor Maksimsev və Azərbaycan universitetininn rektoru Şəmsəddin Hacıyev imzalayıblar.