Azərbaycan, Bakı, 17 oktyabr /Trend/
"DəmirBank" sosial yönümlü fəaliyyətinə uyğun olaraq, müqəddəs Qurban bayramı münasibətilə "Şimşək" ölkədaxili təcili pulköçürmə sistemi üzrə köçürmə edən müştərilərdən komissiya haqqı tutmayacaq.
Bankdan Trend-ə verilən məlumata görə, bu aksiya 17-24 oktyabr 2012-ci il müddətini əhatə edəcək.
DəmirBank-ın "Şimşək" sistemi vasitəsilə 7 dəqiqə ərzində ölkə daxilində pul vəsaitini köçürmək və ya almaq mümkündür. Köçürmələr manat, ABŞ dolları və ya avro ilə aparıla bilər.
Hazırda DəmirBank-ın 31 filialı fəaliyyət göstərir. Onlardan 13-ü paytaxt Bakı şəhərində, 18-i isə ölkənin Gəncə, Sumqayıt, Şəki, Zaqatala, Yevlax, Bərdə, Qazax, Şəmkir, Quba, Qusar, Göyçay, Ağdaş, Ağsu, Şamaxı, Lənkəran, Masallı, Sabirabad və İmişli şəhərlərində yerləşir.
"DəmirBank", həmçinin, əhaliyə 200-dək ölkə üzrə beynəlxalq pulköçürmə xidmətlərini təklif edir. Bank Western Union, Bıstraya Poçta, Contact, Zolotaya Korona, Migom, Coinstar, Blizko, UPT, Lider, PrivatMoney sistemləri ilə beynəlxalq pul köçürmələri həyata keçirir.
DəmirBank-ın filiallarında ən azı 500 AZN / USD / EUR və ya 15000 RUR məbləğində pul köçürənə və ya alana 1 manatlıq, ən azı 2000 AZN / USD / EUR və ya 60000 RUR olduqda isə 2 manatlıq mobil danışıq kartı hədiyyə olunur.
Bankın təcili pulköçürmə xidmətləri barədə bankın www.demirbank.az saytından və ya 149 nömrəsinə zəng etməklə ətraflı məlumat əldə etmək olar.