Azərbaycan, Bakı, 15 noyabr /Trend, müxbir E.İsmayılov/
"British Airways" şirkətinin həyata keçirdiyi London-Bakı aviareysi təxirə salınıb. Bu barədə cümə axşamı Trend-ə Heydər Əliyev Beynəlxalq hava limanından məlumat verilib.
Məlumata görə, təyyarə Bakıya yerli vaxtla saat 19:30-da gəlməli idi. Lakin dumanla əlaqədar uçuş təxirə salınıb.
"Aviareysin təxirə salınmasına səbəb kimi hava şəraitinin uçuş üçün əlverişsiz olduğu göstərilir", - aeroportdan deyiblər.
Londondan reysin təxirə salınması ilə əlaqədar Bakı-London marşrutu üzrə reys də təxirə salınıb. Təyyarə Bakıdan saat 20:30-da uçmalı idi.