Azərbaycan, Bakı, 5 fevral /Trend, müxbir A.Axundov/
Azərbaycan və Avropa İttifaqı (Aİ) arasında viza rejiminin sadələşdirilməsi üzrə danışıqların növbəti raundu martın 11-12-də Brüsseldə keçiriləcək. Bu barədə Trend-ə çərşənbə axşamı xarici işlər nazirinin müavini Mahmud Məmmədquliyev deyib.
"Danışıqlar yaxşı gedir. Həll ediləsi məsələlər var. Bunlar readmissiyalar və viza prosedurlarının asanlaşdırılması məsələləridir", - Məmmədquliyev qeyd edib.
Onun sözlərinə görə, Azərbaycan tərəfi bu ilin sonunadək danışıqları yekunlaşdırmaq niyyətindədir.
"Cari ilin sonunadək danışıqlar prosesini başa çatdırmağa çalışmaq lazımdır. Lakin bu, hər iki tərəfdən asılıdır", - Məmmədquliyev deyib.