Azərbaycan, Bakı, 13 fevral /Trend, müxbir E.İsmayılov/
Bakı Metropoliteni 2014-cü ildə iki yeni stansiyanı - "Avtovağzal" və "Memar Əcəmi-2" stansiyalarını istismara verməyi planlaşdırır. Bu barədə çərşənbə günü Trend-ə Bakı Metropolitenindəki mənbə bildirib.
"Bu iki yeni stansiyanın tikintisi aktiv templə aparılır və bu proses 2014-cü ildə başa çatacaq", - mənbə qeyd edib.
Mənbə işlərin başa çatma tarixini bildirməyib, bununla belə, stansiyaların tikintisinin gələn ilin ilk yarısında başa çatmaq ehtimalını istisna etməyib.