Azərbaycan, Bakı, 3 aprel /Trend, müxbir E. İsmayılov/
Bakı-Tbilisi-Qars dəmir yolu gələn il tam istismara veriləcək. Trend-in məlumatına görə, bunu çərşənbə günü jurnalistlərə nəqliyyat nazirinin müavini Musa Pənahov deyib.
Onun sözlərinə görə, hazırda tikinti işləri Gürcüstan və Türkiyə ərazisində yüksək templə davam edir.
"Dəmir yolunun gələn il istismara verilməsi məqsədilə layihə çərçivəsində işlər davam edir", - nazir müavini qeyd edib.