Azərbaycan, Bakı, 4 aprel /Trend, müxbir A. Axundov/
Azərbaycan 2015-ci ildə keçirləcək Birinci Avropa Olimpiya Oyunlarına qədər paytaxtda üçulduzlu hotellərin çatışmazlığı problemini həll etmək niyyətindədir.
Trend-in məlumatına görə, bu barədə cümə axşamı mədəniyyət və turizm naziri Əbülfəs Qarayev jurnalistlərə açıqlamasında bildirib.
"Bəzi layihələrə start verilib və gələn ilin ortalarında siz Bakıda 5-6 ədəd üçulduzlu otelin tikintisinin şahidi olacaqsınız. Onlar Oyunların keçirilməsi ərəfəsində fəaliyyətə başlayacaq", -deyə, Qarayev bildirib.
Onun sözlərinə görə, nazirlik bu istiqamətdə işlər görür.
"Biz qanunvericilik bazasını yaradırıq, məsləhətlər veririk, lazımi köməkliyi göstəririk",- Qarayev bildirib.
Azərbaycanda hazırda 514 mehmanxana və mehmanxana tipli obyekt fəaliyyət göstərir.