Azərbaycan, Bakı, 4 aprel /Trend/
Sabah Bakının bir sıra qəsəbələrində su olmayacaq.
"Azərsu" ASC-nin mətbuat xidmətindən Trend-ə verilən məlumata görə, Bakı şəhəri, Binəqədi rayonunun Biləcəri qəsəbəsində elektrik paylayıcı şirkəti tərəfindən yüksək gərginlikli elektrik xətlərində təmir-bərpa işlərinin aparılması ilə əlaqədar ərazidə yerləşən 4 saylı kanalizasiya-nasos stansiyasına elektrik enerjisinin verilişi müvəqqəti dayandırılacaq.
Bununla əlaqədar 5 aprel 2013-cü il tarixində Bakı şəhəri, Binəqədi rayonunun Biləcəri və Binəqədi qəsəbələrinə, eləcə də Abşeron rayonunun Xırdalan şəhərinin bəzi yerlərinə içməli su müəyyən fasilələrlə veriləcək.
Yaranacaq narahatlıqla əlaqədar "Azərsu" abunəçilərdən üzr istəyir.