Azərbaycan, Bakı, 18 aprel /Trend, müxbir A.Axundov/
"Kapital Bank" ASC-nin səhmdarları iyunun 10-da keçiriləcək növbəti ümumi yığıncaq zamanı bankın nizamnamə kapitalının artırılması məsələsini müzakirə edəcəklər. Trend-in məlumatına görə, bu barədə cümə axşamı rəsmi mətbuatda dərc edilən xəbərdə deyilir.
Hazırda bankın nizamnamə kapitalı 50 milyon manat təşkil edir.
Bundan başqa, "Kapital Bank" ASC-nin səhmdarlarının yığıncağının gündəliyinə 2012-ci ilin yekunları üzrə maliyyə göstəricilərinin təsdiqi, Müşahidə Şurası və Audit komitəsinin yeni tərkibinin seçilməsi kimi məsələlər daxildir.