Azərbaycan, Bakı, 22 aprel /Trend/
"AtaSığorta" ASC Azərbaycan Respublikasının Mərkəzi Bankı nəzdində Azərbaycan İpoteka Fondunun inzibati binasının və inzibati binada yerləşən əmlakının sığortalanması ilə bağlı keçirilmiş açıq tenderdə qalib elan edilib. Bu barədə bazaar ertəsi Trend-ə "Ataholdinq"dən məlumat verilib.
Şirkət bu uğurunu korporativ və fərdi müştərilərlə yanaşı dövlət təşkilatlarının "AtaSığorta" ASC-yə olan yüksək etibarının təsdiqi kimi qiymətləndirir.
"AtaHolding" Sirkətlər Qrupuna daxil olan "AtaSığorta" 2004-cü ildən sığorta bazarında fəaliyyət göstərir. Şirkət 22 könüllü və 4 icbari sığorta növü üzrə müştərilərinə xidmət göstərir. İcbari Sığorta Bürosunun təsisçisi və iştirakçısıdır. "AtaSığorta" ASC-nin xidmət şəbəkəsinə 4 filial və 4 nümayəndəlik daxildir.