...

“AtaBank”ın "Nağdsız ödə, nağd qazan" kampaniyası çərçivəsində ilk qalib müəyyənləşdirilib

Biznes və iqtisadiyyat xəbərləri Materials 25 Aprel 2013 12:10 (UTC +04:00)
"AtaBank" ASC-nin 1 mart 2013-cü il tarixindən start verdiyi "Nağdsız ödə, nağd qazan" ani stimullaşdırıcı lotereya kampaniyasında ilk 500 manat qazanılıb.
“AtaBank”ın "Nağdsız ödə, nağd qazan" kampaniyası çərçivəsində ilk qalib müəyyənləşdirilib

"AtaBank" ASC-nin 1 mart 2013-cü il tarixindən start verdiyi "Nağdsız ödə, nağd qazan" ani stimullaşdırıcı lotereya kampaniyasında ilk 500 manat qazanılıb. Trend-in məlumatına görə, bu barədə cümə axşamı bankdan daxil olan məlumatda bildirilir.

Kampaniyada iştirak edən müştəri Elşən Novruzov keçirdiyi nağdsız əməliyyat vasitəsilə 4 lotoreya bileti almış və lotoreya biletlərindən biri ona 500 manat məbləğində uduş gətirilib. Bundan başqa, bankın Xəzər, Şirvan, Gəncə və Monolit filiallarında keçirilmiş uduş kampaniyasında iştirak edən lotoreya sahibləri müxtəlif məbləğdə pul mükafatları qazanaraq qalib olublar. "AtaBank" ASC-nin keçirdiyi "Nağdsız ödə, nağd qazan" ani stimullaşdırıcı lotereya kampaniyası bankın Bakı filialları ilə yanaşı bölgə filiallarında da davam edir.

Xatırladaq ki, lotereya kampaniyası 01 mart 2013-ci il tarixindən 31 dekabr 2013-ci il tarixinədək davam edəcəkdir. Lotereyada "AtaBank" ASC tərəfindən ticarət, ictimai-iaşə və ya xidmət obyektlərində quraşdırılmış POS-terminallar vasitəsilə Azərbaycanda fəaliyyət göstərən istənilən bank tərəfindən emissiya edilən ödəniş kartları ilə nağdsız əməliyyatlar aparan fiziki şəxslər iştirak edə bilərlər. Ani stimullaşdırıcı lotereyada təqvim ayı ərzində ümumilikdə 20 manat məbləğində əməliyyatlar aparan kart istifadəçiləri iştirak hüququ əldə edirlər. Kampaniyada iştirak etmək üçün lotereya kuponlarını əldə etmək lazımdır. Ani stimullaşdırıcı lotereya kuponlarının əldə edilməsi üçün ödəniş kart istifadəçisi təqvim ayı ərzində "AtaBank" ASC-nin POS-terminallar şəbəkəsində, nağdsız aparılmış əməliyyatlar üzrə çekləri toplayaraq bankın istənilən filial və ya şöbəsinə müraciət etməlidir. Ödəniş kart istifadəçisi təqdim edəcəyi hər 20 manat məbləğində olan çeklər üçün bir ani stimullaşdırıcı lotereya kuponu əldə edir. Kampaniyada maksimum məbləği 1000 manat olmaqla minlərlə uduşlar vardır. Əlavə edək ki, kampaniyanın keçirilməsində bankın məqsədi ölkədə nağdsız ödənişlərin stimullaşdırılması sahəsində aparılan tədbirləri sürətləndirməkdir. Hazırda "AtaBank" AC-nin pos terminallarının sayı 10 000-ə yaxındır.

Ani stimullaşdırıcı lotereyanın şərtləri və qaliblər haqqında məlumatlar mütəmadi olaraq www.atabank.com internet səhifəsində, sosial şəbəkələrdə (www.facebook.com/ AtaBank, twitter.com/AtaBank_ASC) və kütləvi informasiya vasitələrində işiqlandırılacaq.

Məqalədə:
Xəbər lenti

Xəbər lenti