Gürcüstan, Tbilisi, 26 aprel /Trend, müxbir N.Kirsxaliya/
Bakı-Tbilisi-Qars dəmiryolu layihəsi çərçivəsində tunelin tikintisi may ayında bərpa ediləcək. Trend-in məlumatına görə, bu barədə cümə günü Gürcüstanın iqtisadiyyat naziri Georgi Kvirikaşvili bildirib.
"Bildiyim qədərilə, tunelin tikintisi mayda bərpa olunmalıdır. Ərazilərin mühafizəsi ilə bağlı problemlər isə tikinti prosesində həll edilib", - o deyib.
Nazir əlavə edib ki, dəmiryolun qalan sahələrində tikinti işləri indi də aparılır.