Azərbaycan, Bakı, 26 iyun /Trend, müxbir A. Axundov/
Qiymətli Kağızlar üzrə Dövlət Komitəsi (QKDK) "Rabitəbank" ASC-nin 10 milyon manat həcmində adi, adlı, sənədsiz səhmlərinin emissiya prospektini qeydiyyata alıb. Bu barədə Trend çərşənbə günü QKDK-nin rəsmi saytına istinadən məlumat verir.
Emissiya çərçivəsində hər birinin nominal dəyəri 20,29 manat olan 492,85 min səhm buraxılacaq.
Bununla da, bankın nizamnamə kapitalı 40 milyon manatdan 50 milyon manatadək artırılacaq.