Azərbaycan, Bakı, 3 fevral /Trend, müxbir E.İsmayılov/
Bakı Metropoliteni "28 May" stansiyası ərazisində yerləşən yeni texnoloji korpusun tikintisini başa çatdırır. Bu barədə Trend metropolitenin rəsmi saytına istinadən məlumat verir.
Məlumata görə, yeni korpus hərəkətin idarəsini, təşkilini və tənzimlənməsini, habelə sərnişinlərin təhlükəsizliyini təmin edəcək.
Qeyd olunur ki, texnoloji korpusun əsas obyekti, hərəkətin təşkili və ümumiyyətlə, metropolitenin fəaliyyətinin təşkili və nizamlanmasında ən vacib sahə olan dispetçer məntəqələri və onların təchizatı üzərində işlər də tamamlanma mərhələsindədir: "Dispetçer məntəqələrinin özündə də bütün təşkilati işlər yekunlaşıb".