...

Azərbaycan və İsrail ikiqat vergitutmanın aradan qaldırılması haqqında saziş imzalayacaqlar

Biznes və iqtisadiyyat xəbərləri Materials 13 Fevral 2014 17:25 (UTC +04:00)
Azərbaycan və İsrail ikiqat vergitutmanın aradan qaldırılması haqqında saziş imzalamağı planlaşdırırlar.
Azərbaycan və İsrail ikiqat vergitutmanın aradan qaldırılması haqqında saziş imzalayacaqlar

Azərbaycan, Bakı, 13 fevral /Trend, müxbir E.Əliyev/

Azərbaycan və İsrail ikiqat vergitutmanın aradan qaldırılması haqqında saziş imzalamağı planlaşdırırlar. Trend-in məlumatına görə, bunu cümə axşamı jurnalistlərə Bakıda səfərdə olan İsrailin İxracat İnstitutunun direktoru Ramzi Qabay deyib:

"Biz Azərbaycanda İxracın və İnvestisiyanın Təşviqi Fondunun sədri Rüfət Məmmədovla görüşdük. Görüşün nəticələri üzrə birgə əməkdaşlığı aktivləşdirmək qərara alındı. Əməkdaşlığın inkişafı üçün böyük potensial və bütün zəruri şərait var".

Qabayın sözlərinə görə, bundan başqa, Azərbaycan və İsrail standartlaşdırma sahəsində daha bir sazişin imzalanması üzərində işə başlayacağıq. Ümid edirəm ki, hər iki sənəd üzərində işi cari ildə tamamlaya biləcəyik".

Onun sözlərinə görə, İsrail Azərbaycana yeni texnologiyalar gətirə bilər: "Söhbət tamamilə müxtəlif sahələrdən gedir: tibb, mobil texnologiyalar, kənd təsərrüfatı, qida sənayesi. Şirkətlərimiz Azərbaycanda tikilən kimya və texnologiya parklarına investisiya yatırmağa maraq göstərirlər. Eyni zamanda, bizim sizdən öyrənəcəyimiz şeylər var. İsraili Azərbaycanın enerji, neft-qaz sənayesi sahəsində təcrübəsi maraqlandırır".

Məqalədə:
Xəbər lenti

Xəbər lenti