Azərbaycan, Bakı, 4 aprel /Trend, müxbir E.İsmayılov/
Bakı Beynəlxalq Dəniz Ticarət Limanı vasitəsilə cari ilin yanvar-mart aylarında 1,43 milyon ton müxtəlif növ yük daşınıb ki, bu da ötən ilin eyni dövrü ilə müqayisədə 11 faiz azdır. Bunu Trend-ə limandakı mənbə deyib.
Ötən il ümumilikdə liman vasitəsilə 6,55 milyon ton müxtəlif növ yük daşınıb ki, bu da 2012-ci ilin analoji dövrünün göstəricisindən 8 faiz çoxdur.
Mənbə bildirib ki, yanvar-martda liman vasitəsilə daşınmış yüklərin ümumi həcminin 879 min tonu bərə ilə daşınan yüklərin payına düşüb. Bu, 2013-cü ilin müvafiq dövrünün göstəricisindən 17 faiz azdır.
2014-cü ilin yanvar-mart aylarında limanın quru yük terminalı ilə 245 min ton yük daşınıb ki, bu da ötən ilin eyni dövrünün göstəricisini 12 faiz üstələyir.