...

Şahin Mustafayev litvalı həmkarı ilə görüş keçirib

Biznes və iqtisadiyyat xəbərləri Materials 5 Aprel 2014 13:53 (UTC +04:00)
Aprelin 4-də iqtisadiyyat və sənaye naziri Şahin Mustafayev Bakıda keçirilən Beynəlxalq Turizm və Səyahətlər Sərgisində iştirak etmək məqsədilə ölkəmizdə səfərdə olan Litva Respublikasının iqtisadiyyat naziri Evaldas Qustasla görüşmüşdür.
Şahin Mustafayev litvalı həmkarı ilə görüş keçirib

Azərbaycan, Bakı, 5 aprel /Trend/

Aprelin 4-də iqtisadiyyat və sənaye naziri Şahin Mustafayev Bakıda keçirilən Beynəlxalq Turizm və Səyahətlər Sərgisində iştirak etmək məqsədilə ölkəmizdə səfərdə olan Litva Respublikasının iqtisadiyyat naziri Evaldas Qustasla görüşmüşdür.

Azərbaycan İqtisadiyyat və Sənaye Nazirliyinin mətbuat xidmətindən Trend-ə bu gün verilən məlumata görə, ölkələrimiz arasında iqtisadi əməkdaşlığın genişləndirilməsi perspektivlərinin müzakirə edildiyi görüşdə nazir Şahin Mustafayev Azərbaycanla Litva arasında əlaqələrin qarşılıqlı dostluq və hörmət prinsipləri üzərində qurulduğunu və iqtisadiyyatın müxtəlif sahələrində əməkdaşlığın inkişafı üçün hər iki ölkənin böyük potensiala malik olduğunu vurğulamışdır. Görüşdə nazir Şahin Mustafayev Azərbaycan iqtisadiyyatı barədə də məlumat vermişdir.

Litva Respublikasının iqtisadiyyat naziri Evaldas Qustas ölkəsinin Azərbaycanla iqtisadi əlaqələrin inkişafında maraqlı olduğunu qeyd etmiş, investisiya qoyuluşu və iqtisadiyyatın digər sahələrində əməkdaşlıq üçün geniş imkanların olduğunu diqqətə çatdırmışdır. Litva iqtisadiyyatı barədə məlumat verən cənab Qustas iqtisadiyyat və sənaye nazirini, eləcə də Azərbaycan alimlərini bu ilin sentyabr ayında Litvada keçiriləcək təbiət elmlərinə dair forum-sərgiyə dəvət etmişdir.

Həmin gün Bakı Biznes Mərkəzində İqtisadiyyat və Sənaye Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan - Litva İşgüzar Görüşü keçirilmişdir.

Tədbirdə AZPROMO-nun rəhbəri Rüfət Məmmədov Azərbaycan və Litva arasında tikinti, kənd təsərrüfatı, İKT, bərpa olunan enerji, turizm və s. sahələrdə əməkdaşlığın genişləndirilməsi, qarşılıqlı investisiya qoyuluşu üçün böyük imkanların olduğunu diqqətə çatdırmış, iş adamlarını fəal əməkdaşlığa dəvət etmişdir.
Litva Respublikasının iqtisadiyyat naziri Evaldas Qustas Azərbaycana səfərindən məmnunluğunu ifadə etmiş, iqtisadi əlaqələrin daha da genişləndirilməsi üçün hər iki ölkənin böyük potensiala malik olduğunu bildirmişdir. Nazir Qustas Litvaya investisiya qoyuluşu imkanları barədə məlumat vermiş, iş adamları arasında əlaqələrin genişləndirilməsi üçün işgüzar dairələrin iştirakı ilə keçirilən tədbirlərin əhəmiyyətini vurğulamışdır.

Tədbirdə Litvanın biznes və investisiya mühitinə dair təqdimat keçirilmişdir.

Görüş zamanı Azərbaycanın investisiya imkanlarına, müxtəlif sahələrdə əməkdaşlıq perspektivlərinə dair fikir mübadiləsi aparılmış, qonaqları maraqlandıran suallar cavablandırılmış və AZPROMO tərəfindən ölkəmizdə biznes fəaliyyətinin təşkili ilə bağlı müvafiq dəstəyin göstəriləcəyi bildirilmişdir.

Məqalədə:
Xəbər lenti

Xəbər lenti