...

PAŞA Bankın sponsorluğu ilə "Enerji, bərpa olunan mənbələr və dayanıqlılıq" beynəlxalq konfrans keçirilib

Biznes və iqtisadiyyat xəbərləri Materials 25 Aprel 2016 11:27 (UTC +04:00)
PAŞA Bankın sponsorluğu ilə "Enerji, bərpa olunan mənbələr və dayanıqlılıq" mövzusunda beynəlxalq konfrans keçirilib.

Bakı. Trend:

PAŞA Bankın sponsorluğu ilə "Enerji, bərpa olunan mənbələr və dayanıqlılıq" mövzusunda beynəlxalq konfrans keçirilib.

Bankdan Trend-ə verilən məlumata görə, aprelin 22-də ölkənin aparıcı banklarından biri olan PAŞA Bankın sponsorluğu ilə "AmCham Azerbaijan" ABŞ-ın Azərbaycandakı Səfirliyi, ADA Universiteti, Alternativ və Bərpa Olunan Enerji Mənbələri üzrə Dövlət Agentliyi və digər dövlət və biznes-müəssisələri ilə birlikdə "Enerji, bərpa olunan mənbələr və dayanıqlılıq" mövzulu beynəlxalq konfrans təşkil edilib.

Konfransın iştirakçıları dayanıqlılıq, az karbonlu iqtisadiyyata keçid, ekoloji qanunvericilik və onun tətbiq edilməsi, ekoloji cəhətdən təmiz vasitələr barədə maarifləndirmə və onların təbliğ edilməsinə dair müzakirələr aparıblar. Konfransda, bərpa olunan enerji strategiyalarını uğurla tətbiq etmiş ölkələrin təcrübəsindən və bu sahədə aparılan araşdırmalardan və əldə edilən nəticələrdən faydalanmağın əhəmiyyəti vurğulanıb. Bütün ölkələr üçün bərpa olunan enerji üzrə milli siyasətin təkmilləşdirilməsi və müvafiq qanunvericiliyin əsasının qoyulmasına ehtiyac, həmçinin elmi və texniki bazanın yaradılması üçün sərmayə qoyulmasının zəruriliyi kimi mövzular əsas müzakirə obyekti olmuşdur.

PAŞA Bankın İdarə heyətinin sədri Taleh Kazımovun sözlərinə görə, Azərbaycan iqtisadiyyatı yeni innovativ texnologiyalardan, "nou-xau" və aparıcı beynəlxalq təcrübələrdən və ekspertizalardan bəhrələnə bilər. "Digər sözlərlə, ölkəyə birbaşa xarici sərmayə və ya portfel sərmayələri ilə yanaşı "nou-xau" və yeni texnologiyaların da idxalı məqsədəuyğun olardı. Hökumət yerli iqtisadiyyatı, o cümlədən, yerli sərmayə iqlimini daha yaxşı və cəlbedici səviyyəyə yüksəltmək üçün səy göstərir. PAŞA Bank iqtisadiyyatımıza həmin məqsədlərə çatmağa kömək etməyə və beynəlxalq maliyyə bazarları və yerli işgüzar dairələr arasında "körpü" olmağa hazırdır", - T.Kazımov dedi.

Bank haqqında:
PAŞA Bank - Azərbaycanın aparıcı korporativ bankıdır. 2007-ci ildə təsis olunmuş Bank, geniş spektrli korporativ bank xidmətlərini göstərir, eləcə də kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri. Baş ofis və 6 Biznes-mərkəzləri ilə təmsil olunan PAŞA Bankda 400 çox əməkdaş çalışır. "Europe Banking Awards" 2011, 2012, 2013 çərçivəsində Bank "Azərbaycanın ən yaxşı İnvestisiya Bankı" elan olunmuşdur, 2013-2014-cü illərdə isə "World Finance" tərəfindən "Best Private Bank in Azerbaijan" adına layiq görülmüşdür.
PAŞA Bank Azərbaycanın iri investisiya Holdinqi olan və sığorta, inşaat, inşaat materiallarının istehsalı, turizm və eləcə də biznesin digər sahələrində geniş təmsil olunan PAŞA Şirkətlər Qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da PAŞA Şirkətlər Qrupuna aiddir.

www.pashabank.az

Məqalədə:
Xəbər lenti

Xəbər lenti