Bakı. Azad Həsənli - Trend:
Yerli sahibkarların Azərbaycanın Ermənistan işğalından azad edilmiş ərazilərində layihələrin reallaşdırılması üzrə təkliflərini göndərməsinin vaxtı çatıb.
Trend-in məlumatına görə, bunu Nazirlər Kabineti Aparatının İqtisadiyyat və maliyyə-kredit siyasəti şöbəsinin müdiri Şahin Sadıqov "Sahibkarlar Günü"nün təsis edilməsinə həsr edilmiş konfransda deyib.
Onun sözlərinə görə, bu layihələr Azərbaycan sahibkarlığına və iqtisadiyyatına böyük dəstək göstərməyə imkan verəcək.
Ş.Sadıqov qeyd edib ki, hazırda Nazirlər Kabinetinin nəzərdən keçirdiyi normativ sənədlərin böyük hissəsi ölkədə sahibkarlığın inkişafına istiqamətlənib.