Bakı. Ənvər Məmmədov – Trend:
Azərbaycan məhsullarının ixracına dəstək mexanizmləri yalnız qeyri-neft sahəsində istehsal olunan mallara şamil ediləcək. Trend-in məlumatına görə, bunu jurnalistlərə Azərbaycanda İxracın və İnvestisiyaların Təşviqi Fondunun (AZPROMO) rəhbəri Rüfət Məmmədov deyib.
Onun sözlərinə görə, bu mexanizmlərdən istifadə edəcək sahibkarlara qarşı heç bir məhdudiyyət qoyulmayacaq.
R.Məmmədov qeyd edib ki, ixrac prosesi kifayət qədər mürəkkəbdir: "İlk növbədə sahibkarın rəqabətədavamlı məhsulları olmalıdır. Dövlət rəqabətədavamlı məhsulların istehsalının genişlənməsi üçün bu sahədə inkişaf və tədqiqat proqramlarını dəstəkləyəcək".