Bakı. Maksim Tsurkov - Trend:
ABŞ Azərbaycan iqtisadiyyatına 10 milyard dollar investisiya qoyub.
Trend-in məlumatına görə, bunu Azərbaycan iqtisadiyyat nazirinin müavini Sahil Babayev Bakıda keçirilən ilk Azərbaycan-ABŞ biznes-forumunda deyib.
Nazir müavini qeyd edib ki, ABŞ şirkətlərinin Azərbaycanda investisiyaları bu vaxtadək 10 milyard dollar təşkil edib: "Təkcə neft sektoruna 9 milyard dollar yatırılıb. İnvestisiyalar daim artır ki, bu da Azərbaycandakı əlverişli investisiya mühitindən xəbər verir".
S.Babayev bildirib ki, ABŞ iqtisadiyyatına qoyulan Azərbaycan sərmayələri isə təqribən 3 milyard dollar təşkil edir.