Bakı. Maksim Tsurkov - Trend:
Rusiyanın “Uralskie avialinii” aviaşirkəti Azərbaycanda reyslərin həyata keçirilməsi üçün icazə əldə edib.
Trend-in məlumatına görə bu, Rusiya Hava Nəqliyyatı Agentliyinin saytında yer alan Aviadaşıyıcıların beynəlxalq daşımalara buraxılması üzrə qurumlararası komissiyanın protokolunda qeyd olunub.
Protokolda bildirilir ki, “Uralskie avialinii” həftədə dörd dəfə olmaqla Sankt-Peterburq-Gəncə marşrutu ilə uçuşlar həyata keçirmək hüququ qazanıb.
Bundan başqa, protokolda “Uralskie avialinii” tərəfindən Sankt-Peterburq-Bakı reysinin də həyata keçirilməsi üçün səsvermə keçiriləcəyi yer alıb.